أصالة تميم
19/11/06, 03 :33 03:33:27 PM
من يوم ماواجهتهـا مـن عقـب لوعـات ووداع
استقبلتنـي بالدموع..وحـزن صـوت أحبالهـا
وعبرةٍ بين الفرح..والحزن فـي كـر وصـراع
مسحت دَمْعَتهـا بيـدي وقمـت ارتـب شالهـا
وخذيتها..وهـي تعاينّـي بنـظـرات الضـيـاع
وتقول لي شنت..وضعفت..وحالتـك يرثـا لهـا
وابتسمت..وقلـت منـك يـوم ذبيتـي القـنـاع
وعاينتني..وأسكتت..!مدري شطـرا فـي بالهـا
وقلت ألطّف جوها اللي مكتئـب حتـى النخـاع
وقمت اعـذرب فـي حلقهـا وانتقـد سلسالهـا
وأضحكت ضحكـة يتيـمٍ شـاف فالدنيـا متـاع
وقمـت أدرجهـا كذا..وامشـي علـى موالهـا
وأنـا حزيـنٍ واختنـق بيني..وعبراتـي نـزاع
بـس أجاملهـا وأقـول أميرتـي وش حالـهـا
ردت علي بخير..واخلص يا (ابوالمجد) الشجاع
غرد علي بأشعـارك اللـي ماطربـت إلا لهـا
قلت ابشري باللي تبينه وأحسني لـي الاستمـاع
قالت كفو..قلت العفو..تلقـى الحمـول أجمالهـا
وقمت انسف غترتي وأسعـى بقـدر المستطـاع
ارضي غـرور اللـي ذبحنـي عقلهـا وهبالهـا
ومن نطقت أول حـروف الشعروابياتـي تبـاع
اسرحـت فيني..وقامـت وأغلـقـت جوالـهـا
وصـرت ربـان السفينـة وابتسامتهـا شـراع
وعمت في ذيـك البحـور ولا نشـدت أهوالهـا
حبيبتي ياللي جديلـك لـه مـع العمتـه شعـاع
يجهرعيوني واسترق نظرة ولـه وأسعـى لهـا
خزنه..ومملوحه..فديت الغنج وعيونـك وسـاع
اتنّـح إليـا سلهـمـت يارمشـهـا وظلالـهـا
كن الأنفـاس اتسابـق ضاميـه صوبـك جيـاع
طامعة بذاك الثغـر بالعـون مـا أطيـب فالهـا
إلى مشيتي..مابقى فـالأرض شـيء إلا ومـاع
وإلـى وقفتي..ياشطركـبـدي ويــا سلالـهـا
خليت صدري مؤتمر..والقلـب قاعـة اجتمـاع
وأنتـي مواضيـع الـعـروق ادقاقهاوجلالـهـا
صرت احتفي بك صبح ليل.. وكل حين وكل ساع
وأموت فـي ريحـة دلالك..واحتـري فنجالهـا
وأقـول لعيـونٍ تخايلنـي كذامـن غـيـر داع
إلـى ركـد بركانها..أشفـق علـى زلزالـهـا
وأنا ولـد نـاسٍ تعـد المرجلـه سلم..وطبـاع
لانكّـس أعقالـه يـقـول الكـايـده لرجالـهـا
واثـق وخطواتـه يحسّبهـا قبـل تاطـأ بـقـاع
ولاعشـق لـه غيـر بنـتٍ تفتخـر بجلالـهـا
وقاطعتنـي واشلعـت نظراتهـا قلبـي شــلاع
واذرفت ذيك الدمـوع اللـي عجـزت احتالهـا
وذكرتنـي بالجفيّـا.. والمفـارق.. والــوداع
واجزمت بأن البعـد مشقينـي ومشقـي حالهـا
للشاعر ماجد المهنا
استقبلتنـي بالدموع..وحـزن صـوت أحبالهـا
وعبرةٍ بين الفرح..والحزن فـي كـر وصـراع
مسحت دَمْعَتهـا بيـدي وقمـت ارتـب شالهـا
وخذيتها..وهـي تعاينّـي بنـظـرات الضـيـاع
وتقول لي شنت..وضعفت..وحالتـك يرثـا لهـا
وابتسمت..وقلـت منـك يـوم ذبيتـي القـنـاع
وعاينتني..وأسكتت..!مدري شطـرا فـي بالهـا
وقلت ألطّف جوها اللي مكتئـب حتـى النخـاع
وقمت اعـذرب فـي حلقهـا وانتقـد سلسالهـا
وأضحكت ضحكـة يتيـمٍ شـاف فالدنيـا متـاع
وقمـت أدرجهـا كذا..وامشـي علـى موالهـا
وأنـا حزيـنٍ واختنـق بيني..وعبراتـي نـزاع
بـس أجاملهـا وأقـول أميرتـي وش حالـهـا
ردت علي بخير..واخلص يا (ابوالمجد) الشجاع
غرد علي بأشعـارك اللـي ماطربـت إلا لهـا
قلت ابشري باللي تبينه وأحسني لـي الاستمـاع
قالت كفو..قلت العفو..تلقـى الحمـول أجمالهـا
وقمت انسف غترتي وأسعـى بقـدر المستطـاع
ارضي غـرور اللـي ذبحنـي عقلهـا وهبالهـا
ومن نطقت أول حـروف الشعروابياتـي تبـاع
اسرحـت فيني..وقامـت وأغلـقـت جوالـهـا
وصـرت ربـان السفينـة وابتسامتهـا شـراع
وعمت في ذيـك البحـور ولا نشـدت أهوالهـا
حبيبتي ياللي جديلـك لـه مـع العمتـه شعـاع
يجهرعيوني واسترق نظرة ولـه وأسعـى لهـا
خزنه..ومملوحه..فديت الغنج وعيونـك وسـاع
اتنّـح إليـا سلهـمـت يارمشـهـا وظلالـهـا
كن الأنفـاس اتسابـق ضاميـه صوبـك جيـاع
طامعة بذاك الثغـر بالعـون مـا أطيـب فالهـا
إلى مشيتي..مابقى فـالأرض شـيء إلا ومـاع
وإلـى وقفتي..ياشطركـبـدي ويــا سلالـهـا
خليت صدري مؤتمر..والقلـب قاعـة اجتمـاع
وأنتـي مواضيـع الـعـروق ادقاقهاوجلالـهـا
صرت احتفي بك صبح ليل.. وكل حين وكل ساع
وأموت فـي ريحـة دلالك..واحتـري فنجالهـا
وأقـول لعيـونٍ تخايلنـي كذامـن غـيـر داع
إلـى ركـد بركانها..أشفـق علـى زلزالـهـا
وأنا ولـد نـاسٍ تعـد المرجلـه سلم..وطبـاع
لانكّـس أعقالـه يـقـول الكـايـده لرجالـهـا
واثـق وخطواتـه يحسّبهـا قبـل تاطـأ بـقـاع
ولاعشـق لـه غيـر بنـتٍ تفتخـر بجلالـهـا
وقاطعتنـي واشلعـت نظراتهـا قلبـي شــلاع
واذرفت ذيك الدمـوع اللـي عجـزت احتالهـا
وذكرتنـي بالجفيّـا.. والمفـارق.. والــوداع
واجزمت بأن البعـد مشقينـي ومشقـي حالهـا
للشاعر ماجد المهنا