<><><>لاهنت><><><

[كحيلان]

قصيده الشاعر الامير خالد الفيصل يرثي والده الملك فيصل يرحمه الله
لاهنت ياراس الرجاجيل لاهنت = لاهان راس فى ثرى العود مدفون
والله ماحطك بالقبر لكن أمنت = باللي جعل دفن المسلمين مسنون
منزلك ياعز الشرف لو تمكنت = فوق النجوم اللي تعلت على الكون
سكنت دار المجد ياشيخ وأسكنت = شعبك معك فى منزل العز ممنون
صنت العهد ياوافى العهد ماخنت = علمتهم وشلون الاشراف يوفون
كم ظالم عاداك واعفيت واحسنت = واخلفت ظن اجموع ناس يظنون
شلت الامانه حافظ ماتهاونت = شفنا بك رجال على النفس يقوون
ياللي طلبه الملك بالحب زينت = عرشك بتاج قلوب شعب يحبون
لونت تاج الملك ما قد تلونت ="ماغرتك دنياك ماصرت مفتون
بالزهد والمعروف والصبر كونت = منهاج فيصل منهج اللي يعدلون
تلفتت روس المخاليق وين أنت = وين العظيم وعود الشوف مطعون
كم خافق وقف عقب ما تكفنت = وكم ناظر ذوب سواداه محزون
لو شفت حال الناس عقبك تبينت = مقدار حب الناس للي يودون
مما بقلبي قلت يابوي لاهنت = والانت فوق القول مهما يقولون

[الوافي]

لا هنــــــــــــــــــــــــــــــــــــــــــــــــ ـــــــــــت
لا هنــــــــــــــــــــــــــــــــــــــــــــــــ ــــــــــــت

[الزعيم]

مشكور وماقصرت وصح لسانك على هالقصيده التى تعتبر من احلى قصائد الامير خالد الفيصل

[أديب التميز]

أبياته في قمة الروعة والتأتير فهي نابعة من قلب صادق مر بلوعة وحسرة
في فقد أبيه الغالي عليه وعلينا" الملك فيصل يرحمه الله"


وأجمل ما صور في أبياته أعتقد أنها تلك الأبيات التي يصف حال الناس بعد فقدهم إياه
كم خـافق وقـف عـقب مـا تكفنت = وكـم نـاظر ذوب سـواداه محـزون
لو شفت حال الناس عقبك تبينت = مقـدار حب النـاس للي يـودون


وأفضل ما كتب في هذه المرثية:
مما بقلبي قلت يابوي لاهنت = والا أنت فوق القول مهما يقولونِِ


أَدِيبُ التَمَيُزَ

[كحيلان]

يعطيك العافية اخوي وبصراحة تستاهل اكثر من كلمة اديب التميز الى ملك الادب بصراحة
وأفضل ما كتب في هذه المرثية:
مما بقلبي قلت يابوي لاهنت = والا أنت فوق القول مهما يقولونِِ
صدقت اخوي الغالي ومرة اخرى مشكور على المرور